لو بتدوري على جلسات دعم نفسي للأمهات…
تساعدك تفهمي نفسك وتتعاملّي مع طفلك بهدوء،
الصفحة دي هتساعدك تختاري الجلسة المناسبة ليكي
حسب احتياجك في المرحلة اللي بتمري بيها.
اختاري جلسة دعم نفسي تناسبك كأم
الدعم النفسي
(Therapy)
✦ 1. جلسة الدعم النفسي
لو حاسة إنك تايهة…
أو بتكرري نفس ردود الفعل ومش فاهمة ليه
أو حتى حاسة إن في حاجة جواكي مش واضحة
بس مش عارفة توصلي لها
الجلسة دي مساحة آمنة ليكي
تقدري فيها تكوني على طبيعتك… من غير حكم أو ضغط
نبدأ نفهم سوا اللي جواكي بهدوء
ونفكّ الدواير اللي بتتكرر
بدل ما تفضلي تلفّي فيها لوحدك
باستخدم أدوات زي CBT و Schema Therapy
بس بطريقة تناسبك إنتِ… مش بشكل نظري
مش لازم تبقي عارفة إيه المشكلة بالظبط…
كفاية إحساسك إن في حاجة محتاجة تتفهم 🤍
مناسبة ليكي لو:
– حاسة بضغط أو استنزاف
– بتعصبي بسرعة وبتندمي بعد كده
– عندك مشاعر مش مفهومة
– أو عايزة تبدأي تفهمي نفسك بعمق
الاستشارة التربوية
(Parenting Consultation)
✦ 2. جلسة الاستشارة التربوية
لو في موقف معين مع طفلك ومش عارفة تتعاملي معاه
أو بتكرري نفس ردود الفعل وبتندمي بعد كده
أو حاسة إن سلوك معين بيتكرر
بس مش عارفة تتعاملي معاه بهدوء
الجلسة دي مساحة نفهم فيها سلوك الطفل
وإيه اللي وراه… مش بس نوقفه
ونبص كمان على ردود فعلك إنتِ
ونلاقي طريقة تناسبك في التعامل
بدل ما تفضلي محتارة كل مرة
نشتغل بأدوات عملية تناسب يومك
وتساعدك تطبّقي بسهولة في المواقف
مش لازم المشكلة تكون كبيرة…
أحيانًا موقف بسيط بيتكرر بيبقى محتاج يتفهم 🤍
مناسبة ليكي لو:
– عندك تحدي معين مع طفلك
– بتعصبي بسرعة وعايزة تتحكمي أكتر
– محتاجة توجيه واضح لموقف محدد
– أو عايزة تفهمي سلوك طفلك بعمق
العلاقـات
(Relationships)
✦ 3. جلسة العلاقات
لو حاسة إن في حاجة في علاقاتك مقلقاكي
أو بتكرري نفس المواقف ومش فاهمة ليه
أو في علاقتك الزوجية حاجة محتاجة تتفهم
أو قرار محتاجة تبصي له من كل الزوايا الأول
الجلسة دي مساحة نفهم فيها أنماطك في العلاقات
وإيه اللي بيحصل جواكي في المواقف دي
ونشوف إزاي تحطي حدود تناسبك
وتعبّري عن نفسك ومشاعرك بشكل أهدى
بدل ما تفضلي في نفس الدواير
بنشتغل على الوعي + التغيير
أنماط / مشاعر / حدود
بطريقة تناسبك وتناسب واقعك
مش لازم تغيري كل حاجة مرة واحدة…
كفاية تبدأي تشوفي الصورة بوضوح 🤍
مناسبة ليكي لو:
– علاقتك الزوجية فيها توتر أو محتاجة تتحسن
– محتارة في قرار يخص العلاقة (تكملّي أو لأ)
– بتكرري نفس الأنماط ومش فاهمة السبب
– أو عايزة تبني علاقة أهدى مع نفسك ومع غيرك
الكوتشينج
(Coaching)
✦ 4. جلسة الكوتشينج
لو حاسة إنك واقفة مكانك…
أو عارفة المشكلة بس مش عارفة تبدأي منين
أو عندك أفكار كتير
بس مش عارفة تحوليها لخطوات
الجلسة دي مساحة نرتّب فيها أفكارك
ونشوف الصورة بشكل أوضح
ونحط خطوات تناسبك إنتِ
تمشي عليها واحدة واحدة
بدل ما تفضلي محتارة ومش بتتحركي
باستخدم أدوات من اللايف كوتشينج
وعلم النفس الإيجابي بشكل عملي
خطوات /قرارات / حركة
مش محتاجة تكوني جاهزة 100%…
كفاية إنك عايزة تبدأي خطوة 🤍
مناسبة ليكي لو:
– محتاجة وضوح واتجاه بخطوات محددة
– عندك قرار ومش عارفة تاخديه
– بتأجلي وعايزة تتحركي
– أو عايزة تنقلي من التفكير للتنفيذ
تطبيق المنتسوري
(Montessori Practice)
✦ 4. جلسة تطبيق منتسوري
لو حابة تطبّقي منتسوري مع طفلك
أو في حضانتك… ومش عارفة تبدأي منين
أو بدأتي فعلًا
بس حاسة إن التطبيق مش ماشي زي ما كنتي متوقعة
الجلسة دي بنشتغل فيها على الواقع
في بيتك أو مكان شغلك
نظبط البيئة… ونختار الأنشطة المناسبة
ونمشي خطوة خطوة حسب عمر الطفل
بدل ما تحسي إنك تايهة أو مش عارفة تعملي إيه
بشاركك خبرتي في التطبيق العملي
بطريقة بسيطة تناسب يومك
مش لازم تعملي كل حاجة perfect…
خطوات صغيرة كفاية تعمل فرق كبير 🌿
مناسبة ليكي لو:
– عايزة تطبّقي منتسوري في البيت أو الحضانة
– محتاجة توجيه عملي واضح
– بدأتي ومحتاجة متابعة
– أو حاسة إنك تايهة في التطبيق
التعليم المنزلي
(Homeschooling)
✦ 5. جلسة التعليم المنزلي
لو بتفكري تبدأي تعليم منزلي لطفلك
أو بدأتي ومش عارفة تنظّمي اليوم
أو محتارة بين مناهج وخيارات كتير
ومش عارفة إيه المناسب لطفلك
الجلسة دي بنحط فيها خطة واضحة
تمشي عليها بثقة ومرونة
نحدد الأهداف… ونختار الطريقة المناسبة
ونبني نظام يناسب يومك
بدل ما تحسي إنك تايهة بين اختيارات كتير
بشاركك خبرتي في التعليم المنزلي
بشكل عملي يناسب حياتك
مش لازم تمشي على نظام مثالي…
الأهم إنه يكون مناسب ليكم 🤍
مناسبة ليكي لو:
– عايزة تبدأي تعليم منزلي
– محتاجة خطة واضحة
– محتاجة تنظيم ليومك
– أو محتارة بين اختيارات كتير