يمكن المشكلة مش في الطريقة..
لكن في اللي بيتفعّل جواكي وقت التربية.
إعادة ضبط مصنع
«تشافي الأمومـة»
التربية مش بس اللي بنقوله للطفل..
لكن كمان اللي بيتحرّك جوانا واحنا بنتعامل معاه
إحنا بنرجّع ردود فعلك وانفعالاتك لأصلها..
وبنشتغل سوا على ضبطها بهدوء
عشان تقدري تتعاملي من مكان أهدى وأوضح مع طفلك.
وده اللي هنبدأ نشتغل عليه سوا خطوة خطوة..
المراحل اللي بتمري بيها في التربية من غير ما تحسي..
موقف
ردة فعل
ذنب
بحث
تطبيق
ارتباك
انتكاس
إحباط
إيه اللي بيحصل جواكي في كل مرحلة؟
الموقف
بيحصل موقف مع طفلك..
يرفض، يعاند، أو ما يسمعش الكلام.
وفي اللحظة دي بتلاقي نفسك اتعصبتي جدًا،
والأفكار في دماغك مش راضية تقف..
وبييجي في دماغك جمل زي:
هو ليه بيعمل كده؟
أنا تعبت.. مش قادرة أستحمل.
رد الفعل
بتلاقي نفسك بتردي بشكل تلقائي..
صوتك بيعلى، ممكن تزعقي، أو تصرخي فيه، أو حتى تضربيه،
أو تقولي كلام انتي بعد كده مش راضية عنه.
وكل ده بيحصل بسرعة.. كأنك مش قادرة توقفيه.
الذنب
وبعد ما الموقف يهدى..
بيبدأ إحساس تقيل بالذنب يظهر جواكي،
وتقعدي تلومي نفسك على اللي حصل،
وتفكري: أنا عملت كده ليه؟
أنا كنت مقررة ما أربيش ابني بالطريقة اللي اتربيت بيها..
بحث
وبعد الإحساس ده..
تبدأي تدوري على حل،
تفتحي فيديوهات، تسمعي بودكاست، أو تاخدي كورسات،
وتحسي إنك أخيرًا فهمتي هتعملي إيه،
وإن المرة الجاية هتتعاملي بشكل مختلف..
تطبيق
وتبدأي تطبّقي اللي اتعلمتيه..
تحاولي تمسكي نفسك وتعملي الصح،
وتفتكري الكلام اللي سمعتيه وإزاي المفروض تردي،
والموقف ممكن يعدّي أهدى شوية،
وتحسي إنك أخيرًا عرفتي تتعاملي إزاي..
ارتباك
وفجأة تنفجري تاني في طفلك..
أو يعاند معاكي بشكل أقوى،
فتلاقي نفسك محتارة ومش فاهمة إيه اللي حصل،
هو ليه الطريقة ما نفعتش المرة دي؟
وتبدأي تشكي في اللي اتعلمتيه وتدوري على كورس غيره..
انتكاس
تاخدي كورس تاني.. والتالت.. والرابع،
وكل مرة تشتغل معاكي فترة،
وبعدين ترجعي تاني لنفس ردود الفعل،
وتلاقي نفسك بتتصرفي بشكل تلقائي من غير ما تفكري،
وكأنك رجعتي لنقطة البداية تاني..
احباط
وفي الآخر..يتراكم جواكي إحساس تقيل بالإحباط والفشل،
وتحسي إنك بترجعي تلفي في نفس الدايرة،
وتبدئي تشكي في نفسك،
وتقولي يمكن المشكلة فيا أنا أو يمكن طفلي مختلف عن باقي الأطفال ومش نافع معاه الطرق دي .
التحوّل
لو لقيتي نفسك بتلفي في الدايرة دي كل مرة..
فالمشكلة مش في طرق التربية،
ومش فيكي، ولا في طفلك،
لكن في جروح بتتحكم في ردود فعلك من غير وعي،
ويمكن جه الوقت تشوفيها وتسمعيها عشان تبدأ رحلة تشافيها..
وده بالظبط اللي هنشتغل عليه سوا..
هنفهم سوا إيه اللي بيحصل جواكي في اللحظات دي..
وإزاي جروح قديمة ممكن تتحرك وتتحكم في ردود فعلك من غير وعي منك.
هنشوف الدواير اللي بتتكرر معاكي..
والمواقف اللي بتخليكي تنهاري وتفقدي أعصابك،
ونفهم جهازك العصبي إزاي بيشتغل،
وإزاي تلاحظي أفكارك وجسمك في اللحظة دي.
هنشتغل على المشاعر اللي بتطلع جواكي وقت التربية..
وإزاي تفهميها ونشتغل على إدارتها من غير ما تكبتيها أو تهربي منها،
وتعرفي تتعاملي معاها بهدوء أكتر،
من غير ما تضغطي على نفسك طول الوقت.
هنبدأ نطبق ده في مواقف حقيقية يومية..
ونكسر الدايرة القديمة،
عشان تبدأي تخلقي طريقة تناسبك انتي وطفلك،
من غير ضغط ولا سعي للمثالية.
الدعم والمساندة
في الرحلة دي مش هتكوني لوحدك..
هتكوني وسط مجموعة أمهات بيمروا بنفس اللي بتمري بيه،
في مساحة آمنة فيها دعم حقيقي ومشاركة من غير حكم،
ونكون سوا سند لبعض خطوة بخطوة..
أسئلة ممكن تكون في بالك
هل ده كورس ولا إيه بالظبط؟
البرنامج ده مش كورس تقليدي بمفهوم إنه شرح لمعلومات وبس..
هو مساحة شغل عملي وفهم لنفسك في مواقف التربية،
بنشتغل فيها من خلال الجروب كوتشينج،
وبنستخدم أدوات من العلاج المعرفي السلوكي بشكل عملي،
مش بس نتعلم نقول إيه.. لكن كمان هنشوف عملنا إيه وعايزين نعمل إيه.
لو الدنيا بايظة معايا ومع طفلي.. ينفع نشتغل وهي بايظة كده؟
أيوه.. لأننا مش بنستنى الظروف تبقى مثالية،
إحنا بنشتغل من قلب الواقع زي ما هو،
حتى لو في لخبطة وتعب وضغط،
كل خطوة بتفهمي فيها نفسك بتفرق،
وده هو التغيير الحقيقي اللي بنبني عليه.
هل البرنامج ده مناسب لو عندي أكتر من طفل؟
أيوه.. لأن الشغل مش على الطفل نفسه،
لكن على ردود فعلك وفهمك لنفسك،
وده بيأثر على علاقتك بكل أطفالك،
مش موقف معين ولا طفل واحد،
لكن طريقة كاملة بتتغيّر معاكي.
طب لو حسيت إني مش فاهمة أو محتاجة مساعدة.. أعمل إيه؟
في متابعة من خلال جروب خاص للمشتركات،
تقدري تسألي وتشاركي براحتك،
ونمشي سوا خطوة بخطوة،
لحد ما الصورة تبدأ توضح معاكي.
ولو حاسة إن ده المكان اللي محتاجاه دلوقتي..
دي تفاصيل الرحلة كلها قدامك.
شكل الرحلة هيكون عامل إزاي
الرحلة دي عبارة عن لقاءات مباشرة أونلاين..
هنشتغل فيها سوا بشكل عملي خطوة بخطوة،
ومش هتكوني لوحدك بين اللقاءات،
هيكون في مساحة متابعة ودعم طول الرحلة..
عدد اللقاءات: 6 لقاءات
نظام الحضور: Live عبر Zoom
الاشتراك في البرنامج متاح حاليًا بسعر خاص لأول راوند..
للتفاصيل والتقديم تواصلي معانا