النهارده كنت زهقانه اوي وبصراحه مجيتش جنب المطبخ ولا شغل البيت خالص
وريتال كمان كانت عماله تزن وحاسه انها زهقانه جبتلها الصلصال وعرضت عليها
اللعب بتاعتها مرضيتش وفضلت تزن برضه فقلت نعمل حاجه جديده
واكتر حاجه ممكن تعجب اي طفل (العجين)
اول حاجه جيبنا الجليتر
وبعدين الوان الطعام :
اللى لقيته متوفر عندي الأحمر والأصفر والأخضر والبني
وبعدين قلنا هنعمل العجين ومقاديره كالتالى :
2 كوب دقيق
¼ كوب ماء
ملعقة زيت زيتون
ملح
وحطينا المقادير في طبق كبير للعجن وعجناه بالشكل ده
ومنستش طبعا اجيب طبق تاني لريتال عشان تعجن فيه والا مكنتش سابتني اعجن
اصلا هههههه
اصلا هههههه
وبعدين جبنا طبق صغير وحطينا فيه لون طعام ونقطة ميه وجليتر نفس اللون
وعجنا بيهم كوره من الكور اللى قسمناهم من العجين وطلعت بالشكل ده
وفوسط ماحنا بنعمل رحت بس دقيقه اغسل ايدي ورجعت لقيت ريتال تعاملت مع الموقف بالمنظر ده
اللى لفت نظري انها اختارت 3 الوان درجات متناسقه عشان تعجنهم بالشاكوش
وهما (البرتقالى والأصفر والبني ) مع كان ادامها الوان تانيه بس هيا اختارت
الالوان التلاته دول يعني الطفل عنده حس فني بالألوان ودرجاتها ومش بيختار
عشوائي كده وخلاص ..
وهما (البرتقالى والأصفر والبني ) مع كان ادامها الوان تانيه بس هيا اختارت
الالوان التلاته دول يعني الطفل عنده حس فني بالألوان ودرجاتها ومش بيختار
عشوائي كده وخلاص ..
انا طبعا سيبتها تلعب براحتها خالص حتى لو بهدلتهم كلهم لأن الغرض من
الموضوع انها تتفاعل وتعمل كل اللى يخطر على بالها بحريه تامه ..
الموضوع انها تتفاعل وتعمل كل اللى يخطر على بالها بحريه تامه ..
ده العجين اللى عملناه واللى ريتال عجنته مع بعضه في الاخر
وبعد ماخلصت لعب خالص وشبعت وقامت جبت كيس وغلفت فيه العجين بالشكل ده
عشان اخزنه للمره الجايه
عشان اخزنه للمره الجايه
وجبت علبة من علب حفظ الطعام اللى عندي وحطيتهم فيه
 |
طبعا لو هاستخدمهم في وقت قريب مثلا كام يوم او اسبوع هاسيبه في التلاجه عادي
ولو هاستخدمه بعد فتره كبيره يبقا يتحط في الفريزر ويطلع قبلها بساعه عشان يفك
ولو هاستخدمه بعد فتره كبيره يبقا يتحط في الفريزر ويطلع قبلها بساعه عشان يفك
بصراحه كان يوم حلو اوي رغم اني لما دخلت المطبخ بعدها اتخضيت من شكله
بس استمتعنا انا وريتال جدا بالألوان واللعب واكتشفت اننا لازم نحط ادام الطفل
الوان كتيرودرجات مختلفه من نفس اللون عشان هو بيحب يجمع الألوان المتناسقه …
بس استمتعنا انا وريتال جدا بالألوان واللعب واكتشفت اننا لازم نحط ادام الطفل
الوان كتيرودرجات مختلفه من نفس اللون عشان هو بيحب يجمع الألوان المتناسقه …
القاكم في تجربه أخري مع ريتال ان شاء الله ..
لا تنسوني من صالح دعائكم ..
والسلام عليكم ورحمة الله وبركاته.