ناس كتير بتفكر موقع good reads موقع لقراءة الكتب 🙂
الموقع ياجماعة لتقييم الكتب مش للقراءة يعني بتدخلي تكتبي اسم الكتاب اللي انت عاوزاه في البحث
وبعدين تقرأي معلومات عنه زي دار النشر واتطبع امتا وبيتكلم عن ايه
وتحت المعلومات دي هتلاقي بقا الناس اللي قرأت الكتاب ده ورأيهم في الكتاب وتقيمهم ليه
الموقع عامل زي مجتمع كده للناس اللي بتحب القراءة
وبتقدري تسجلي فيه بالأكونت بتاعك كمان بتاع الفيس بوك
لو حابه
بتعمل أرفف ليها في الصفحه الخاصه بتاعتها وتقسم الكتب بالعناوين اللي تحبها
وفي منافسه بتدخلهيا مع اصحابك كل سنه على عدد الكتب اللي انت ناويه تقرأها السنه دي كنوع من انواع التشجيع يعني
في جروبات موجوده فيه للنقاش في حاجات كتير مختلفه تخص الكتب
لو في كتاب مش موجود في الموقع وانت قرأتيه تقدري تحطي صورة من الغلاف بتاعه ومعلوماته ودار النشر وتقييمك له
وفي ميزه بقا مهمه بالنسبالي باقدر اعرف منها العيال صحباتي دول مدكنين كتب ايه عندهم عشان اخدها منهم 😀
يعني من الآخر هو مجتمع زي الفيس بوك كده لكن لمحبي القراءة
بالنسبالي ولأن محبي القراءة بقول قليلين جدا
فبحس جوه الموقع ان انا كائن طبيعي يعيش ويتنفس :V
وان في بشر لسه بتحب تمسك كتاب وتقرا 🙂
رابط الموقع للناس اللي تحب تاخد جوله فيه : اضغط هنا
وده رابط كتاب اسمه كيف تتعامل مع موقع جود ريدز مكتوب في تعريفه شوية معلومات عن الموقع برضه لقيته وانا باقلب كده لكن مقرأتش الكتاب بصراحه عشان مش محتاجاه 🙂
: اضغط هنا
#لمحبي_القراءة
#مجتمع_للقارئين
#good_reads
#مكعبات
#شير_في_الخير
رابط الموضوع : اضغط هنا